IELTS

" Success is no accident , it's hard work , learning , studying , sacrifice , and most of all

love of what you are doing "

السلام عليكم أعزائي ... و الله يكتب لكم سنة جديدة مليئة بالنجاح والتيسير

بما انو اعرف بعض الاشخاص قدموا على اختبار الإيلتس لمعادلة الانجلش في جامعة الملك عبدالعزيز و في غيرهم كثير فحبيت أكتب بشكل مبسط وسريع عن طريقة الاختبار والوقت وبعض المراجع اللي استفدت منها حسب تجربتي البسيط

نصيحتي لك اذا لغتك جيدة و قدرتي تعادلي الإنجلش بإيلتس او توفل ابداا لا تترددي راح ترتاحي كثير نفسيا وجسديا

بشرط تجتهدي بباقي المواد و بإذن الله يكون معدلك ونسبتك عالية

بالنسبة اللي حابين يختبروا الايلتس .. عندك خيارين اما تختبري

general or academic ielts

أنا اختبرت الجينرال فحيكون كلامي عنه , الدرجة المطلوبة 4.5 واعلى

الايلتس بصفة عامة عبارة عن اربعة اجزاء

speaking , listening , reading , writing

speaking -1

اول جزء يكون قبل بإسبوع او بعد بإسبوع من الاختبار الكتابي ويرسلولك رسالة ع الإيميل متى وقتها فلازم تشيكي

. على ايميلك من بدري

مدته 15 دقيقة , في كلاس لوحدك مع استاذة وتكون المحادثة مسجلة راح تسالك اشياء عااامة اسمك ايش بتدرسي

ايش تسوي اول ماتصحي من النوم الخ .. ويعتبر فعلا من أسهل الأجزاء

Listening - 2

مدته 40 دقيقة وعبارة عن 4 أجزاء تتدرج الاسئلة في الصعوبة ، التسجيل تسمعيه مرة وحدة ومتواصل لمدة نص ساعة اخر 10 دقائق تكون عشان تنقلي اجاباتك لورقة الاجابة - ضروري ماتنسي تنقلي شي لورقة الاجابة في حاجات لازم تراجعيها في دا الجزء زي التواريخ والأيام والشهور وكيف تكتبي عنوان شارع ومعلومات زي كذا راح تلاقي كثير نماذج في المواقع

reading - 3

برضو 4 اجزاء مدته 60 دقيقة , ممم ما احب اقول كلمة صعب :) بس بتجربتي الشخصية كان الريدنق اثقل جزء انواع الاسئلة كتيييرة وطريقتهم تختلف عن الأختبارات التانية فمرررة مهم انك تكوني عارفة استراتيجيات الاختبار وانواع الاسئلة ، حتى لو شخص كان لغته الأم انجلش ومو ملم في استراتيجيات الاختبار والأسئلة راح يواجهه صعوبة جداا فالي ابغى اوصله الاختبار ما يعتمد فقط على لغتك يعتمد ايضا على فهمك لطريقة الأسئلة وعلى سرعتك في الحل - اتدربي على دي الاشياء ولا تهمليها

writing - 4

اخر جزء الكتابة صراحة اجمل جزء .. ليه بقول انه أسهل وأجمل جزء ؟ لانو من الاشياء الي تقدري تدربي عليها

وترفعي درجتك بيها .. عبارة عن جزئين

writing task 1

كتابة رسالة سواء رسمية او غير رسمية ممكن تكون رسالة لصديق أو شكوى لسوء الخدمة في مطعم ما ..الخ وعلى حسب نموذجك - اقل شئ 150 كلمة

writing task 2 (essay)

عبارة عن كتابة مقالة واقل شئ 250 كلمة ، الموضوع على حسب نموذجك بس حيكون شئ بسيط مو معقد مرة محد راح يقلك اكتبي عن اللوز او نظرية اينشتاين مثلا ههه :) ومواضيع ثقيلة لا حيكون مثلا يقلك ( بعض الناس يعتقدوا انو تدريس الاطفال في المنزل افضل والبعض الاخر يعتقد التدريس في المدارس افضل والسوال يكون

discuss the advantage of both method and give your opinion ?

غالبا كدا فيئتين واتكلمي عنها وبالاخير قولي رائك ومهم تكتبي السبب ليه انت رائك كذا ولا تكوني حيادية واذكري امثلة + يجوز تكدبي شوية في الاختبار :) اتخيلي موقف صارلك وحطي نفسك في اي منصب على حسب موضوعك لو أنك أم أو معلمة في مدرسة او سيدة أعمال واكتبي من تجربتي وكدا ( حتى لو في الخيال) الشئ هذا يساعدك في الكتابة

طريقة تانية للسؤال

Do you agree or disagree with this opinion ?

صيغة السوال دي برضو المطلوب منك انك تذكري مميزات ومساوي الشي دا واسباب وامثلة وبالاخير تذكري رائك

speaking and writing

من الاجزاء الي ترفع درجتك لانو التدريب عليها أبسط وأسرع وكل ما اتدربتي زيادة كل ما حسيتي بالفرق في مستواكي بشكل أسرع

* في الرايتنق مثلا في كلمات وجمل تكون في البداية والنهاية تقدري تحفظيها وتكتبيها بإي موضوع

و ابحثي في قوقل على

( linking words)

..راح ترفع رصيدك في الكتابة جدا

for example

i hope this letter finds you in the best of your health
i hope this much will be enough for you to know about <topic of letter>
would you please look into this matter?

بالحقيقة لغتي الانجلش لمن اختبرت ماكانت مررة جيدة (من جنبها ) :) بس اولا واخرا كانت ثقتي كلها بربي وكان عند يقيين كبيير اني بعون وسند منه راح اوصل للدرجة الي محتاجتها ، التوفيق والسداد من الله وحده مو جهدي ولغتي ومع ذلك ربنا قال في كتابه ( واذا سالك عبادي عني فاني قريب اجيب دعوة الداع اذا دعان فليستجيبوا لي وليومنوا بي ) شرط لاجابة الدعوة هو الاستجابة والايمان ردة الفعل مننا والجهد والعمل

HELPFUL LINKS